Pirritxek eta Porrotxek badute lagun bat, zu bezain maitagarria, Mari Motots. Orain ez du mototsik, gaixorik dagoelako. Minbizia du, eta sendatzeko botikak ilea erorarazten dio. Ile kizkurrak berriro atera bitartean, koloretako zapia janzten du buruan eta piratetara jolasten da Joxe piratarekin. Pailazoek bisita egingo diote ospitalean. Han bihotza sendatzen duen dantza ikasiko dute. Lagunak zein garrantzitsuak diren ere konturatuko dira, elkarri maitasuna eta indarra emanaz. Izan ere, tristurak eta pozak, elkarrekin konpartitzen direnean, goxoagoak baitira. "Eskerrik asko" haur-minbiziari buruzko ikuskizuna da, 2008ko martxoaren 5ean Andoaingo Bastero Antzokian zuzenean grabatua.